09-06-2010
|
Løgmaður á ríkisfund
Løgmaður, Kaj Leo Holm Johannesen og frú Jórun Johannesen fara í dag til Danmarkar at luttaka á árliga ríkisfundinum saman við danska forsætismálaráðharranum, Lars Løkke Rasmussen og grønlendska landsstýrisformanninum, Kuupik Kleist. Fundurin verður í ár á Ruths Hotel í Skagen 10. og 11. juni.
Á skránni fyri ríkisfundin eru m.a. viðurskiftini millum Føroyar og ES, uppskotið til føroyska stjórnarskipan, føroyskur limaskapur í WTO og uttanríkispolitiska virkisføri hjá Føroyum.
Aftaná ríkisfundin verður tíðindafundur. Tíðindafundurin verður á Ruths Hotel fríggjadagin 11. juni kl. 11 danska tíð.
Undir ríkisfundinum verður eisini árligi fundurin í Samstarvsnevndini millum Løgmansskrivstovuna og danska forsætismálaráðið. Samstarvsnevndin, ið er mannað við embætisfólkum, viðger mál viðvíkjandi viðurskiftum millum Føroyar og Danmark.
Løgmaður verður aftur í Føroyum sunnudagin 13. juni.
(Mynd: Tíðindafundur í samband við ríkisfundin í Grønlandi 2009.)
Meira fæst at vita við at venda sær til Páll Nolsøe, kunningarráðgeva á tlf. 306028 ella Rúna Rasmussen, deildarstjóra á tlf. 551041.
|
